НА СРЕДБАТА ШТО ЈА ОЧЕКУВА ЦЕЛ СВЕТ НЕ ДОАЃА ПУТИН, СО ЗЕЛЕНСКИ ЌЕ ПРЕГОВАРА ЛАВРОВ: Од лидерите само украинскиот претседател го потврди присуството

Добивај вести на Viber

Висок поранешен функционер на Кремљ, кој зборуваше под услов да остане анонимен поради чувствителноста на темата, рече дека Русија на претстојните разговори во Истанбул ќе ја претставуваат министерот за надворешни работи Сергеј Лавров и претседателскиот советник за надворешна политика Јуриј Ушаков, објави „Вашингтон пост“.

Ова ќе бидат првите директни преговори меѓу Русија и Украина од 2022 година, а беа побарани од рускиот претседател Владимир Путин како одговор на зголемените барања од Западот Русија да се согласи на 30-дневен прекин на огнот како чекор кон потрајниот мир.

Зеленски сака да разговара со Путин

Од американска страна се очекува да присуствуваат државниот секретар на САД, Маркo Рубио, и специјалните пратеници Стив Виткоф и Кит Келог, што е прв знак за одреден напредок по неколку недели во кои се чинеше дека преговорите се во застој, посочува Вашингтон пост.

- Ќе направиме сѐ што е потребно за овој состанок да биде успешен. „Доколку Путин е навистина подготвен да се сретне не само со медиумите, туку и во реалниот живот, тогаш ќе направиме сè за да се договориме за прекин на огнот“, рече Зеленски, нагласувајќи ја важноста на директните преговори со Путин, кој на крајот има моќ да одлучи за прекин на огнот.

Европа се сомнева дека Русија е подготвена за мир

Критичарите, вклучувајќи ја и високата претставничка на Европската Унија за надворешни работи и безбедносна политика, Каја Калас, тврдат дека Русија само „одложува“ и не бара вистински мир.

Понудата на Путин за разговори привремено го одложи западниот притисок за 30-дневен прекин на огнот и го наруши трансатлантското единство, кое првично го поддржа барањето за безусловен прекин на огнот, со поддршка на Трамп.

„Чекаме усогласеност од г-дин Путин и се согласуваме дека доколку нема вистински напредок оваа недела, тогаш заеднички ќе се залагаме за значително заострување на санкциите на европско ниво“, изјави германскиот канцелар Фридрих Мерц на прес-конференција во вторник.

„Ќе разгледаме други области, како што се енергетскиот сектор и финансискиот пазар... Сега навистина зависи од Путин да ја прифати оваа понуда за преговори и да се согласи на прекин на огнот“, рече тој.

Како одговор, европските лидери го суспендираа наметнувањето нови санкции, но предупредија дека понатамошните преговори мора да произведат вистински напредок, или ќе бидат поддржани построги санкции.