На Украинците не им се допаѓа предлогот на Маск, Зеленски реагира
Објавено во: Свет 03 Октомври, 2022
На Украинците не им се допаѓа предлогот на Илон Маск за ставање на крај на војната меѓу Украина и Русија во 4 чекори.
Украинскиот претседател Володимир Зеленски само објави анкета на Твитер. Се состои од прашањето „Кој Илон Маск повеќе ви се допаѓа?
Анкетата има два понудени одговори.
Едниот одговор е „Оној што ја поддржува Украина“, а другиот „Оној што ја поддржува Русија“.
Реакции на Твитер има и од други украински политичари и новинари.
Извршниот директор на вселенската компанија Спејсекс, Маск има предлог за мир меѓу Украина и Русија во 4 точки.
Тој предлага да се повторат гласањата во припоените региони на истокот на Украина во кои Москва спроведе референдуми, но овој пат тие да бидат под надзор на Обединетите нации.
„Русија заминува ако тоа е волјата на народот’, напиша Маск на Твитер.
Додава дека според неговиот предлог Крим останува формален дел од Русија.
„Како што беше од 1783, до грешката на Хрушчов“, пишува Маск и додава дека водоснабдувањето на Крим би било обезбедено, имајќи предвид дека полуостровот има проблеми со снабдувањето со вода поради Киев.