На Змискиот Остров повторно се вее украинското знаме, ова е голема победа за Украина
Објавено во: Свет 04 Јули, 2022
Украина го подигнала своето знаме на Змискиот Остров.
Информацијата ја објави украинската војска, откако руските сили минатата недела објавија дека се повлекле од островот.
„Воената операција заврши и територијата (Змискиот Остров) е вратена во јурисдикција на Украина“, изјави Наталија Хумениук, портпаролка на јужната воена команда на Украина.
Русија во четвртокот објави дека се повлекла од Змискиот Остров како „знак на добра волја“ за да покаже дека не се меша во напорите на Обединетите нации за отворање хуманитарен коридор што дозволува испорака на жито. Украина тврдеше дека ги истерала руските сили по артилериски и ракетен напад. Контролата на островот, кој се наоѓа на околу 40 километри од брегот на Украина, ѝ дозволи на Русија да ги загрози поморските патеки што водат до и од Одеса. Островот стана симбол на украинскиот отпор на почетокот на војната кога граничарите стационирани таму ги одбија руските барања да се предадат или да загинат. Русија на 24 февруари ја нападна Украина.
фото МВС Украина