НАБЛИЖУВА 1 ЈАНУАРИ: Се брише ли границата меѓу Косово и Албанија?

Добивај вести на Viber

Албанија и Косово наскоро ќе имаат заеднички контроли на граничните премини. 

Ова ќе функционира од први јануари.  Одлука за тоа донесе албанската Влада, која министерот за внатрешни работи Сандер Леши ја оцени како „многу значајна промена на границата со Косово“.

Но, според него ова не е последната промена што ќе се случи.

„Значајни промени во граничното управување со Косово. Двојните контроли се отстранети. Полициите на двете земји заеднички ќе вршат контроли според начелото едно запирање, една контрола, контрола на едношалтерски систем. Владата донесе одлука за оваа важна промена, што го олеснува слободното движење меѓу Албанија и Косово“, напиша на Твитер, Леши.

Олеснувањето на слободното движење не завршува тука. Набрзо ќе бидат преземени многу поважни чекори, со цел целосно да се воспостават европските стандарди на албанско-косовската граница, наведе Леши.

Дел од албанските медиуми  објавувајќи ја веста, оценија дека премерот Еди Рама не ја „исполнил желбата на минстерот за дијаспора и поранешен премиер Пандели Мајко, кој бараше целосно отстранување на албанско-косовската граница“.

Мајко на 1 јануари годинава на Фејсбук остро ја критикуваше Владата на Рама што не ја брише „албанско-албанската граница“. Откако беше најавено дека ќе има заеднички контроли, српските власти оценија дека е ова чекор кон формирање на Голема Албанија на терен.