Над 15 цивили убиени: Турската војска напаѓа во Сирија
Објавено во: Свет 10 Октомври, 2019
Над 15 цивили се убиени, а повеќе од 20 се повредени во гранатирањето на турскaта армија кон сириските гранични градови.Турското Министерство за одбрана соопшти дека копнените сили денеска продолжиле да напредуваат кон позициите на курдските борци на северот од Сирија. Вчера турската армија нападаѓаше преку воздух. Турскиот претседател Реџеп Таип Ердоган вчера објави дека турската војска почна операција „Извор на мирот“ против Курди и терористи на ИД во северна Сирија.
Оваа операција беше остро осудена во меѓународната заедница. Претседателот на САД, Доналд Трамп вчера соопшти дека САД не ја поддржуваат воената операција на Турција во Сирија, и оти нападот е лоша идеја.
– Турција, членка на НАТО, ја нападна Сирија. САД не го одобруваат овој напад и ѝ ставија на знаење на Турција дека оваа операција е лоша идеја. Нема американски војници во областа. Од првиот ден кога влегов во политичката арена, јасно ставив до знаење дека не сакам да се борам во оние бескрајни, бесмислени војни – особено оние од кои САД немаат корист, се посочува во пишаната изјавата на Трамп.
Советот за безбедност на Обединети нации денеска ќе разговара зад затворени врати на барање на пет европски држави (Велика Британија, Франција, Полска, Германија и Белгија), додека Арапска лига в сабота ќе одржи вонреден состанок на барање на Египет.
Генералниот секретар на ОН, Антонио Гутереш синоќа изрази длабока загриженост околу ситуацијата во североисточниот дел на Сирија.
И шефицата на европската дипломатија Федерика Могерини повика Турција да ја прекине воената акција.