Надворешни џебови за мобилните телефони на децата во училиштата во Ѓорче Петров
Објавено во: Македонија 28 Јануари, 2020
Од следниот месец во сите основни училишта во Ѓорче Петров за време на наставата, учениците и наставниците пред почетокот на часот ќе ги оставаат мобилните телфони во посебни џебови. Градоначалникот на Ѓорче Петров објави дека дел од џебовите се веќе изготвени, а за секое дете ќе има посебен дел нумериран со број.
„Џебовите се нумерирани со бројки по дневник на учениците и таму треба да ги одложат исклучени мобилните апарати на означените места. Целта е непречено одвивање на наставниот процес. За наставниците кои нема да ги почитуваат насоките, следува дисциплинска мерка, објави Наумоски.
Тој минатиот месец со видео рече дека ќе се забрани употеба на мобилните телефони, на наставниците, во текот на одржувањето на наставните часови. Оваа одлука, како што рече е поттик на наставниците за поуспешно спроведување на наставната програма.
Истовремено, Наумоски ги повика и родителите да посветат внимание на нивните деца, и да поработат на кревање на свеста за последиците од употреба на мобилни телефони за време на часовите.