НАФТАЛИ БЕНЕТ-НОВ ПРЕМИЕР НА ИЗРАЕЛ: Крај на ерата на Бенјамин Нетанјаху
Објавено во: Свет 13 Јуни, 2021
Веќе е извесно
дека вечерва Израел ќе има нов премиер, Нафтали Бенет, што значи воедно и крај
на владеењето на Бенјамин Нетанјаху, кој по 12 години нема повеќе да ја
извршува премиерската функција.
Бенет најави отворање на ново поглавје во односите со арапските граѓани на Израел.
„Ние ги разбираме тешкотиите и потребите на арапската јавност“, рече Бенет, најавувајќи подобрувања во образованието, безбедноста и условите за домување на израелските Арапи, кои сочинуваат 20 проценти од населението во земјата.
Поранешниот соработник, а сега ривал на Нетанјаху, Бенет призна дека токму Нетанјаху го отворил патот за соработка со партијата на израелските Арапи, Рам, кој сега е во владејачката коалиција, за прв пат во историјата на еврејската држава.
Бенет оценува и дека обновувањето на нуклеарниот договор на големите сили со Иран е грешка.
„Израел нема да дозволи Иран да биде снабден со нуклеарно оружје, изјави Бенет, лидер на десничарската партија Јамина, на специјалната седница на парламентот, Кнесетот, на која се гласа доверба на новата Влада.
Foto:EPA-EFE/MENAHEM KAHANA