Нафтата за нив ќе биде моќно оружје за да се спротивстават на САД
Објавено во: Економија 18 Август, 2018
За Иран нафтата ќе биде моќно оружје во односите со САД.
Тие ќе се спротивстават на притисоците од американските санкции потпирајќи се на својата нафта и другите природни ресурси, изјави денеска потпретседателот на Иран, Ешак Јахангири.
„Ова е клучен момент за нашата економија, но ние не сме без излез. Оваа држава има мноштво човекови и природни ресурси на кои може да се потпре“- вели Јахангири.
Државниот секретар на САД, Мајк Помпео овие денови формираше група за координирање на американската политика кон Иран.
Помпео најавувајќи го создавањето на групата го обвини Теехран за „бран на насилство и дестабилизирачко поведени насочено кон нас, нашите партнери и самиот ирански народ“.
Тој додаде дека администрацијата на претседателот, Доналд Трамп е подготвена за преговори со Иран, но за тоа да се случи „треба да видиме големи промени во поведението на режимот како внатре, така и надвор од границите“.
За директор на групата именуван е Брајан Хук, експерт за надворешна политика, кој од ноември минатата година раководеше со преговорите со сојузниците во Европа и во Азија за интензивирање на притисокот врз Техеран.