НАЈАВЕНА ГОЛЕМА ПРЕС-КОНФЕРЕНЦИЈА НА КОВАЧЕВСКИ, БЕСИМИ, ТРЕНЧЕВСКА И ЛУКАРЕВСКА - ќе се обелоденат ли новите даноци од идната година?
Објавено во: Финансии 01 Декември, 2022
За денеска попладне Владата најавува голема пресконференција, која ќе се одржи во 14.30 часот.
Присутен ќе биде најголемиот дел од владиниот економски врв, односно премиерот Димитар Ковачевски и министерот за финансии, Фатмир Бесими, а на прес-конференцијата ќе бидат присутни министерката за труд и социјална политика, Јована Тренчевска и директорката на Управата за јавни приходи, Сања Лукаревска.
Според сознанијата на Фактор, можно е на оваа пресконференција да се обелодени големата даночна реформа што Владата ја најави за идната година.
Во изминативе денови се погласни беа барањата на бизнисот Владата јасно да каже какви се владините планови за прогресивниот данок, односно колкава ќе биде неговата стапка и од кога тој ќе почне да се применува.
Како што е познато, во последниве денови се најавува дека измени се можни и кај повластената стапка на данокот на додадена вредност, односно најавено е намалување на бројот на производи кај кои се применува повластената стапка од 5 отсто, а да се врати претходното оданочување кај електричната енергија.
На овој линк може да се следио впо живо пресот кој ќе почне во 14.30