НАЈАВИЈА ТУЖБА: Иранците бараат Трамп да одговара за убиството на Сулејмани

Добивај вести на Viber

Иран планира да го тужи американскиот претседател, Доанлд Трамп за убиството на генералот Касим Сулејмани. 

Претседателот на иранскиот Врховен суд,  Ебрахим Раиси објави дека американскиот претседател Трамп мора да биде осуден на меѓународно ниво.

Раиси  вели дека одговорните за ова кривично дело ќе бидат процесуирани, пренесе Тасс, повикувајќи се на агенцијата Фарс.

Тензиите на Блискиот Исток ескалираа по воздушниот напад со американски дронови во близина на аеродромот во Багдад, на 3 јануари, кога беше убиен Сулејмани. Во знак на одмазда Иран со ракети гаѓаше две американски бази во Ирак.

Портпаролот на иранската влада ги отфрли твитовите на Доналд Трамп во кои изразува поддршка за Иранците, истакнувајќи дека иранскиот народ треба да запомни дека тој го убил генералот Касам Сулејмани и е причината поради која многумина се соочиле со економски предизвици, јавуваат државните медиуми.

Портпаролот Али Раби оцени дека Трамп, кој на твитовите на англиски и на фарси јазик им порача на иранските власти да не ги убиваат демонстрантите и го пофали големиот ирански народ, леел крокодилски солзи изразувајќи загриженост за Иранците.

Трамп пак порача дека воопшто не го интересира дали Иран ќе се согласи да преговара со Соединетите Американски Држави.

Ставот на грчкиот премиер Кирјакос Мицотакис изнесен минатата седмица во САД, говорејќи на Atlantic Council, како што објавија грчките медиуми, дека Грција ја поддржува американската одлука за убиството на Касим Сулејмани, била причината Иран со демарш да реагира до Грција.