Најчевска до Силјановска: Во трката за претседател сиот валкан веш ќе ти биде изваден на виделина

Добивај вести на Viber

Кога станува збор за професорката Мирјана Најчевска тогаш е јасно дека таа не штеди ниту на зборови ниту на критики и кон власта и кон опозицијата. 

Во пресрет на шестите претседателски избори во државата, топ тема скоро секој ден се кандидатите. Денеска се извлекоа и редните броеви под кои ќе се најдат на избирачките списоци а најкоментирана во последните два дена е кандидатката од редовите на ВМРО ДПМНЕ.

Медиумите, меѓу кои и Фактор вчера објавија фотографија од синот на професорката Гордана Силјановска Давкова како свири на кавал во градскиот парк.

Тој го прави тоа од хумани причини затоа што парите ги донира на сиромашните деца. По коментарите во јавноста , Силјановска повика да го остават нејзиниот син на мир.

Оттука, професорката која е доста активна на социјалните мрежи се јави со коментар.

„И не драга моја Силјанице, не може да бидат оставени на мира. Ако си се впуштила во трка за претседател ќе ти биде извадено се на виделина и сите проблеми и сиот валкан веш и сите грешки кои си ги направила и проблемите во семејството (болести, психотропни супстанци и сл.). Се е важно во одредувањето како на личноста на идниот претседател така и за можните влијанија кои би ги трпел во иднина“, пишува меѓу другото Најчевска.