Најчевска по вчерашниот марш: СДСМ пополека но сигурно станува ВМРО-ДПМНЕ
Објавено во: Македонија 18 Февруари, 2020
Вчерашниот марш само ми го потврди стравувањето дека СДСМ полека но сигурно станува ВМРО ДПМНЕ, пишува професорката Мирјана Најчевска на социјалните мрежи.
Таа маршот на владеачката партија го опиша како глуп бидејќи, како што наведува, „го иницирале и предводеле луѓе кои имаа шанса од позицијата на власт да направат суштински промени во правосудниот систем, а не направија“.
„Граѓанските организации маршираат за да може да се слушне гласот на граѓаните кога не се задоволни од политиките на оние кои што се на власт. СДСМ фактички е политичка партија која во моментов ја држи власта во државата. Значи со овој марш СДСМ ни вели дека не знае што да прави со таа власт и не знае како да се справи со проблемот на владеење на неправото и повикува да дојде некој да го реши овој проблем“, пишува професорката.
И покрај тоа што стои на ставот дека СДСМ е подобра партијја од ВМРО ДПМНЕ, Најчевска вели дека актуелната гарнитура на власт не покажала дека има капацитет (морален и интелектуален) да го деконструира груевизмот.
„И јас немам верба дека тоа може да го направи.
Вчерашниот марш само ми го потврди стравувањето.
СДСМ пополека но сигурно станува ВМРО-ДПМНЕ“, го завршува Најчевска коментарот на Фејсбук.