Најдена е мајката на бебето кое минувач го нашол во парк
Објавено во: Македонија 16 Мај, 2019
Најдена е мајката на бебето кое деновиве минувач го пронашол во парк.
Малолетничка од скопската населба Топанско поле е мајката која се породила и го фрлила бебето на тротоар во Топанско поле.
Таа на социјалните работници им кажала дека не може да се грижи за бебето, затоа што нема партнер.
Несовесната мајка во присуство на нејзината мајка била однесена на лекар.
Како што информираат од МТСП, мајката има рок од три месеци да се предомисли, а ако тоа не се случи, бебето ќе биде дадено на посвојување.
Бебето е пронајдено во вторникот вечерта на тротоар покрај тревник, на булеварот Македонско Косовска бригада.
Минувачи веднаш повикaле брза помош и ја алармирале полицијата, по што новороденчето е пренесено на Клиниката за детски болести. Новороденчето е во добра општа состојба.