НАЈНОВА БРИТАНСКА СТУДИЈА: И Фајзер и АстраЗенека се скоро подеднакво ефикасни против многу преносливата делта варијанта
Објавено во: Свет 22 Јули, 2021
Во последната
британска студија се наведува дека меѓу вакцината на Фајзер и АстраЗенека
постојат само умерени разлики во нивната ефикасност против делта сојот. Според
истражувачите, две дози на Фајзер
или АстраЗенека се скоро
подеднакво ефикасни против многу преносливата делта варијанта на корона вирусот, како и против претходно
доминантниот алфа вид.
Официјални лица тврдат дека овие вакцини се многу ефикасни против варијантата делта, која сега е доминантна низ целиот свет.
Сепак, експертите предупредуваат дека една доза на вакцина не е доволна за високо ниво на заштита од инфекција, пренесува Танјуг, повикувајќи се на Ројтерс.
Умерени разлики во ефикасноста
Студијата исто така открива дека две дози вакцина Фајзер се 88 проценти ефикасни во спречување на симптоматско заболување со делта, во споредба со 93,7% ефикасност за алфа варијантата на вирусот.
За две дози на вакцина АстраЗенека се вели дека се ефекасни 67 проценти против делта, наспроти 60 проценти, како што се сметаше претходно, и 74,5 проценти против алфа сојот на корона вирусотот, во споредба со првичната проценка од 66 проценти.
„Само умерени разлики во ефикасноста на вакцините беа забележани во делта варијантата во споредба со алфа по две примени дози на вакцина“, се вели во британската студија.