Најтргуваните и највредните акции на македонската берза во првата половина од 2018-та
Објавено во: Финансии 20 Јули, 2018
Македонската берза го објави билтенот за првата половина од годинава, според кој најголем пораст на вредноста оствариле акциите на Комерцијална банка (пораст од 89,9%), Жито Лукс (+69,6%), Винарската визба Тиквеш (+65,7%), Арцелор Митал (+60,8%) и Окта (+58,1%).
Топ три најтргувани се акциите на Комерцијална банка со промет од 769
милиони денари, „Алкалоид“ со промет од 354 милиони денари, НЛБ Банка (191 милиони
денари).
На листата потоа следуваат Стопанска банка АД Скопје (155 милиони денари) и
„Гранит“(119 милиони денари).
Вкупно, постои неверојатно заживување на прометот во однос на истиот период минатата година.
Имено, од јануари до јули годинава, берзата остварила промет од 6,8 милијарди денари што е
зголемување од 234 отсто во однос на истиот период минатата година кога прометот изнесувал 2
милијарди денари.