Најуспешниот грчки фудбалски клуб доби тригодишна суспензија
Објавено во: Стил 25 Април, 2018
Најстариот грчки фудбалски клуб и воедно најуспешен на интернационална сцена од таа земја, Панатинаикос, нема да може три години да настапува во европските натпреварувања, откако е суспендиран од УЕФА:
Грчкиот клуб во декември доби ултиматум од УЕФА да ги плати долговите до 1.март. Откако не успеаја да го направат тоа, сега европската куќа на фудбалот им изрече тригодишна суспензија и казна од 100.000 евра.
Панатенаикос е грчкиот клуб со најголеми успеси во европските натпреварувања. Во 1971 играа во финалето на Европскиот куп, а во 1985 и 1996 беа во полуфиналето на истото натпреварување.
Оваа сезона беа елиминирани во плејоф рундата од Лига Европа.
Во моментов се на седмата позиција во грчкото првенство и нејасно е како ќе продолжат понатаму со долговите кои од ден на ден стануваат се поголеми.