Напади во два германски града - дали се работи за тероризам?
Објавено во: Свет 02 Јануари, 2019
Нападите во Ботроп и Есен германските власти ги истражуваат како терористички чин.
Канцеларијата на германскиот јавен обвинител, која се занимава со злосторства поврзани со тероризам, ја разгледува можноста да ја преземе контролата над случајот.
Оваа информација ја објави „Тагесшпигел“. Германските безбедносни служби, наводно, го третираат намерното прегазување на пешаците од страна на еден 50-годишник во Ботроп и Есен како терористички чин, објавија медиумите.
ДПА вчера објави дека напаѓачот, идентификуван како Андреас Н., се залетал со својот сребрен „мерцедес“ во толпата во Ботроп главно составена од странци и повредил најмалку четири лица.
Возачот потоа се упатил кон соседниот Есен, се обидел да ги прегази луѓето на една автобуска станица, а потоа е уапсен. Напаѓачот, наводно, го таргетирал странците затоа што меѓу повредените од неговиот автомобил се сириски и авганистански државјани.
Во заедничката изјава на Обвинителството во Есен и полицијата од градовите Реклингхаузен и Мунстер, стои дека осомничениот коментирал против странците за време на притворот, а локалната полиција има информации дека напаѓачот можеби има некои ментални проблеми. Локалните власти соопштија дека за време на апсењето возачот имал негативни коментари за странците.