Нападите го натераа Макрон да распореди повеќе војници на улиците
Објавено во: Свет 29 Октомври, 2020
Францускиот претседател Емануел Макрон го зголемува бројот на припадниците на војската во антиреростичката операција „Sentinelle“, првенствено поради утринскиот напад во Ница.
Истакна дека како дел од антитерористичката операција „Sentinelle“ бројот на француските војнции кои ќе бидат испратени на улиците ќе се движи меѓу три или седум илјади.
„Одлучив дека следните часови ќе бидат мобилизирани дополнителни војници“, потврди Макрон.
Премиерот Жан Кастекс, изјави дека ширум цела земјата планот на борбата против тероризмот „Vigipirate“ е воведен во највисокот можно ниво.
Рано утрото во четвртокот млад маж за кој истрагата тврди дека станува збор за 21-годишен мигрант од Тунис, вооружен со нож уби три лица во базиликата Нотр Дам во центарот на Ница. Напаѓачот е застрелан и пренесен во болница.
Само два часа по нападот по Ница, друг напаѓач им се заканувал со нож на минувачи во место близу Авињон, и бил смртно застрелан додека се обидувал да ја нападне полициската патрола која била повикана да интервенира. Според некои медиуми, овој напад може да не е поврзан со екстремниот исламизам, и оти можеби станува збор за лице кое патело од психичко растројство.
Во Лион на станица е уапсен 26-годишен маж кој од претходно им бил познат на безбедносните органи и разузнавачките служби во врска со екстремната исламистичка сцена во Франција. Тој бил облечен во џелаба (исламска машка облека) и воена јакна и мафтал со нож. По неколку повици полицијата пристигнала на местото на настанот и го уапсила лицето дидека се обидувало да влезе во полн трамвај. Се работи за авганистански државјанин роден 1994 година, познат на разузнавачките служби по радикален исламизам.