07 Април, 2020
0.0220

Народна банка му го отвори патот на „Пејпал“ за примање пари на сметка

Објавено во: Финансии 30 Август, 2019


Mакедонските граѓани и фирми можат да отвораат и да користат сметки во странски електронски сервиси за платежни трансакции какви што се на „Пејпал“, „Скрил“ и другите и во делот на примањето пари, откако Народна банка вчера ја укина оваа регулација

Во моментов, во Македонија, „Пејпал“ и другите сервиси функционираат само за плаќање. Советот на македонската централна банка на вчерашната седница ги усвои измените на одлуката за начинот и условите под кои небанкарски институции и граѓани од земјава ќе можат да отвораат и да имаат сметки во странство. Со тоа се отвора можност и македонските граѓани, како последни во регионов, да користат алтернативни, небанкарски платежни сервиси.

Станува збор за изегување во пресрет на повеќегодишна иницијатива од страна на македонски ентузијасти за целосно функционирање на „Пејпал“ во Македонија. Сега на потег е „Пејпал“, бидејќи овозможувањето услугата да биде функционална не значи автоматски и нејзина примена, бидејќи конечната одлука останува на операторот.

Ваквото либерализирање на платниот промет ќе овозможи полесен начин за пласман на производи и услуги од Македонија на странски пазари. Во изминативе години, македонски граѓани користеа „Пејпал“-услуги преку соседни држави.

Со измените од страна на Народна банка се овозможува граѓаните и компаниите да отвораат и да имаат сметки кај сите странски електронски сервиси за платежни трансакции што ќе ги овозможат своите услуги за резидентите од нашата земја. Тие ќе можат овие сметки да ги користат исклучиво за комерцијални цели, односно за купување и за продавање стоки и услуги по електронски пат. 

„Дали и кога граѓаните и компаниите ќе можат да отворат сметка кај одреден електронски сервис и какви услуги ќе можат да користат (дали само за плаќање или и за наплата), одлучува секој од сервисите, при што деловната одлука ја носи врз основа на сопствени анализи и оцени“, гласи соопштението од НБРСМ.

Од таму се согласуваат дека либерализацијата во однос на отворањето и поседувањето кориснички сметки кај електронските сервиси за платежни трансакции во натамошниот период може да донесе повеќе придобивки за нашата економија. Ова ќе значи и поголема промоција и поддршка на електронската трговија и залагање за користење на предностите од финансиските технологии, односно се создаваат услови стоките и услугите коишто ги нудат нашите резиденти, преку електронската трговија да бидат подостапни на меѓународниот пазар.


Можеби ќе ве интересира

Дивидендите го „позеленија“ берзанскиот индекс - МБИ10 расте неколку дена по ред

Дивидендите го „позеленија“ берзанскиот индекс - МБИ10 расте неколку дена по ред

НИШТО ОД РАДОСТА ЗА КАМАТИТЕ: Максималната стапка за граѓаните ќе биде 5,75 отсто, но само за новите кредити

НИШТО ОД РАДОСТА ЗА КАМАТИТЕ: Максималната стапка за граѓаните ќе биде 5,75 отсто, но само за новите кредити

НЕМА НИКАКВА ПОТРЕБА ЗАШТЕДИТЕ ВО ДЕНАРИ ДА СЕ МЕНУВААТ ВО ЕВРА - НБМ гарантира, денарот е и ќе остане стабилен

НЕМА НИКАКВА ПОТРЕБА ЗАШТЕДИТЕ ВО ДЕНАРИ ДА СЕ МЕНУВААТ ВО ЕВРА - НБМ гарантира, денарот е и ќе остане стабилен

БАНКАРСКИТЕ КАМАТИ НЕ СМЕАТ ДА БИДАТ ПОВИСОКИ ОД 5,75 ОТСТО - Уредбата објавена, банкарите на потег

БАНКАРСКИТЕ КАМАТИ НЕ СМЕАТ ДА БИДАТ ПОВИСОКИ ОД 5,75 ОТСТО - Уредбата објавена, банкарите на потег

Финансиските регулатори ја јакнат соработката

Финансиските регулатори ја јакнат соработката

Бежовска: Ќе се намали растот на кредитите и на депозитите, позначајно ќе ја ревидираме стапката на економски раст

Бежовска: Ќе се намали растот на кредитите и на депозитите, позначајно ќе ја ревидираме стапката на економски раст

Ангеловска: Парите од ММФ ќе стигнат најбргу, а потоа ќе дојдат и другите до почеток на мај

Ангеловска: Парите од ММФ ќе стигнат најбргу, а потоа ќе дојдат и другите до почеток на мај

Еве каде да ги известите банките дека ќе си го плаќате кредитот

Еве каде да ги известите банките дека ќе си го плаќате кредитот

СИТЕ ПОНУДИ НА ЕДНО МЕСТО - еве што ви спремија банките за да ја пребродите кризата

СИТЕ ПОНУДИ НА ЕДНО МЕСТО - еве што ви спремија банките за да ја пребродите кризата