НАРОДОТ ЈА САКА - и по 14 години власт Меркел останува најпопуларен германски политичар

Добивај вести на Viber

Германската канцеларка Ангела Меркел и натаму останува најпопуларен германски политичар. 

И покрај неодамнешните тензии во коалицијата, кои дури се закануваа да ја соборат нејзината влада, канцеларката и натаму останува најпопуларен германски политичар, и по 14 години на кормилото на земјата. Поддршката на Меркел се засилила во јануари, покажува анкетата на ТВ АРД, што ја цитираше „Блумберг“.

Поддршката за Меркел се зголемила на 53 отсто, шест поени повисоко од претходниот месец, додека рејтингот на нејзината наследничка како шеф на Христијанско демократската унија (ЦДУ) и актуелен министер за одбрана, Анегрет Крамп-Каренбауер, е само 23 отсто.

Крамп-Каренбауер беше избрана за нов лидер на ЦДУ во декември 2018 година откако Меркел се повлече од функцијата, но се чини дека сè уште нема голема поддршка кај Германците, судејќи според резултатите од анкетата на АРД. АРД интервјуираше 1.506 лица по телефон од 7 до 8 јануари.

Меркел вети дека ќе остане канцелар до 2021 година, и покрај напуштањето на партиското место по лошиот резултат на нејзината партија на изборите за регионални парламенти.

Исто така, имаше шпекулации дека Меркел ќе се повлече од функцијата канцелар по навестувањето на Анегрит Крамп-Каренбауер за ревидирање на договорот за коалиција помеѓу ЦДУ / ЦСУ и социјалдемократите.