07 Август, 2022
0.0215

„НАШАТА ВРСКА Е НА ПАУЗА“ Олена Зеленски - Не сум го видела два месеци, тешко ми беше да му објаснам на син ми каде е неговиот татко

Објавено во: Свет 30 Јуни, 2022

Добивај вести на Viber

Првата дама на Украина, Олена Зеленска, даде интервју за Си-Ен-Ен и во таа прилика изјави дека нејзината врска со сопругот е „на пауза“ поради војната со Русија и дека „чекаат повторно да се обединат“ со своите деца.

Зеленска откри дека долго време не го видела својот сопруг, украинскиот претседател Володимир Зеленски и вели дека „не е нормално“ нивните деца да можат да разговараат со својот татко само по телефон.

Двајцата одбија да ја напуштат Украина кога руската армија започна напад на 24 февруари, а наместо тоа останаа во Киев да ја водат земјата во воени околности. Тие добија пофалби од целиот свет за нивниот решителен пркос на рускиот претседател Владимир Путин.

Но, тоа значи дека од безбедносни причини тие можат да се видат само повремено и за многу кратко време.

- Ова не е нормално. Не е нормален однос кога децата не можат да го видат својот татко и мораат да разговараат со него на телефон. Значи, нашата врска е на пауза, исто како и за сите Украинци. Чекаме повторно да се собереме, повторно да бидеме заедно, да поминуваме вечери заедно, да разговараме со децата за нивните работи - рече Зеленска.

Двојката воопшто не се видела во првите два месеци од војната додека руските сили го нападнале Киев, а украинските вооружени сили биле вклучени во тешки борби за да ја избркаат руската војска од предградијата на главниот град.

Претседателот остана во својата канцеларија во Киев опкружен со неговите заменици и советници за безбедност да ја водат одбраната на земјата, додека Елена Зеленска и нивните деца Олександра (17) и Кирило (9) заминаа на непознато место.

Откако војниците на Путин се повлекоа од Киев и кога повторно се разгореа борбите во источниот регион Донбас, парот накратко повторно се сретна.

- Се уште не можеме редовно да се гледаме, но барем физички го чувствувам покрај себе - рече Зеленска.

Зеленска (44) додала дека, иако на нејзината 17-годишна ќерка и било полесно да објасни што се случува во земјава, нејзиниот деветгодишен син прашувал каде е неговиот татко.

- Верувам дека децата сè јасно разбраа уште од првиот момент - рече таа и додаде:

- Мојот син се труди да биде многу храбар. Постојано прашуваше за тато, прашуваше што прави за да ја одбрани државата – рече таа.

Првата дама на Украина изјави и дека нејзиниот син почнал да му дава воени совети на својот татко.

- Мојот син е политиколог во подем, тој знае се, ни дава воени совети, а исто така и на неговиот татко... Какви тенкови, авиони, хеликоптери да купи, што ни недостасуваат. Кои земји ни помагаат лошо, кои ни помагаат добро. Тој е воен експерт, за тоа можете да разговарате со месеци - рече Зеленска.

Украинскиот претседател и првата дама се во брак речиси дваесет години.

Тие пораснаа во истиот град Криви Рих, но се запознаа дури кога пораснаа, кога Елена, како сценарист на комедии, се приклучи на продуцентската куќа на Владимир Зеленски Студио Квартал 95. Се венчаа во 2003 година и добија две деца.

Фото: Принскрин/Си-Ен-Ен

Можеби ќе ве интересира

ОТКРИЕНО ЗА КОЛКУ КИНА МОЖЕ ДА ГО ЗАЗЕМЕ ТАЈВАН! Западот не би имал време да одговори

ОТКРИЕНО ЗА КОЛКУ КИНА МОЖЕ ДА ГО ЗАЗЕМЕ ТАЈВАН! Западот не би имал време да одговори

80 ИЛЕГАЛНИ РУДАРИ ГИ СИЛУВАЛЕ МАНЕКЕНКИТЕ, локалните жители револтирани од постапката решиле сами да се одмаздат

80 ИЛЕГАЛНИ РУДАРИ ГИ СИЛУВАЛЕ МАНЕКЕНКИТЕ, локалните жители револтирани од постапката решиле сами да се одмаздат

Зеленски бара од Западот поостар меѓународен одговор на „рускиот нуклеарен терор“

Зеленски бара од Западот поостар меѓународен одговор на „рускиот нуклеарен терор“

Израел-Газа: Бројот на загинати расте бидејќи Израел го уби вториот врвен милитант

Израел-Газа: Бројот на загинати расте бидејќи Израел го уби вториот врвен милитант

Западот „флертува“ со Тајван, исто како и со Украина, дали се ова погрешни потези?

Западот „флертува“ со Тајван, исто како и со Украина, дали се ова погрешни потези?

САД: Потезите на Кина во Тајванскиот Теснец се провокативни и неодговорни

САД: Потезите на Кина во Тајванскиот Теснец се провокативни и неодговорни

Уште еден брод со украинско жито пристигна во Истанбул

Уште еден брод со украинско жито пристигна во Истанбул

Мексикански рудари заробени по поплавата, нуркачи ќе се обидат да ги спасат

Мексикански рудари заробени по поплавата, нуркачи ќе се обидат да ги спасат

Покрената кривична постапка поради ракетирањето на нуклеарката Запорожје

Покрената кривична постапка поради ракетирањето на нуклеарката Запорожје