Нашите тројца војници во Либан не се во Бејрут и се безбедни
Објавено во: Македонија 05 Август, 2020
Тројца наши војници се во Либан, но тие не се во Бејрут и се целосно безбедни и добри.
Министерството за одбрана изразува длабоко сочувство за жртвите во разорната експлозија во Бејрут, Либан.
„Ве информираме дека припадниците на Армијата на Република Северна Македонија во мисијата на Обединетите нации во Либан, УНИФИЛ, се безбедни и сигурни.
На мисија во Либан во моментов се ангажирани тројца припадници на Армијата, кои се распоредени и ги извршуваат своите задачи на безбедни локации надвор од Бејрут.
По веста за повредени морнарички мировници во мисијата на Обединетите Нации во Либан, УНИФИЛ, чиј брод бил погоден во експлозијата на пристаништето во Бејрут, изразуваме надеж за побрзо закрепнување на мировниците и поддршка до земјите од каде тие потекнуваат“, соопшти Министерството за одбрана.