НАСИЛНИОТ НАСТАВНИК СЕ СООЧУВА СО НЕКОЛКУГОДИШНА КАЗНА ЗАТВОР: Дисциплинска комисија ќе одлучува за овој случај

Добивај вести на Viber

Формирана е дисциплинска комисија во О.О. У. „Панајот Гиновски“ во населба Бутел, која ќе одлучува како да се постапува во случајот каде наставник удира ученик, информираат од училиштето за Радио МОФ.

За инцидентот се дозна преку видео што го снимал соученик и било споделено на социјалната мрежа Тик Ток. На него се гледа како наставникот прво го удира ученикот, па го крева во воздухот.

Случајот е пријавен во МВР. Оттаму велат дека работат на расчистување на случајот.

„Извршен е разговор со лица поврзани со случајот и по насока на Јавен обвинител ќе биде доставен соодветен поднесок до надлежното обвинителство“, информираат од МВР.

Правниците, како што пишува пак, Плусинфо сметаат дека не е искучено наставникот кривично да  одговара, односно да му се стави на терет на насилникот кој направи повреда на правото на детето според  чл.130 и чл. 143 од КЗ.

За ова кривично дело во Кривчниот законик законодавецот во ченот 130 предвидел заторска казна од шест месеци до три години, а пак за кривичното дело, малтретирање во вршење на службата (член 143) е предвидена казна и до пет години.

„Тој што во вршењето на службата малтретира друг, го застрашува, го навредува или воопшто спрема него постапува на начин со кој се понижува човечкото достоинство и човековата личност, ќе се казни со затвор од една до пет години“, се вели во Кривичниот законик.