Наставник остана без работа бидејќи не сакал да се вакцинира
Објавено во: Балкан 06 Декември, 2021
Прв отказ поради ковид-потврда има во училиште во Хрватска.
Наставник од Техничкото училите во Бјеловар, кој на 16 ноемрви престанал да доаѓа на работа затоа што не сака да се тестира, ниту да се вакцинира за коронавирус, и повеќе не работи во училиштето. На тоа му претходеле две претходни предупредувања пред отказот. Наставникот во училиштето бил вработен од 1 септември оваа година.
„Морам да кажам дека колегата не правеше никакви скандали, не се закануваше, не доаѓаше пред училиштето, просто не се согласуваше со воведените мерки и од нивното воведување ниту еднаш не дошол на работа“, рече Дарио Малогорски, директор на училиштето.
Вели дека наставникот навистина бил коректен и се согласил на спогодбен отказ.