НАУЧНИЦИТЕ КОНЕЧНО ОДГОВОРИЈА ЗОШТО АСТРАЗЕНЕКА ЈА ЗГРУТЧУВА КРВТА: Тоа е верижна реакција која доведува до опасните згрутчувања

Добивај вести на Viber

Аденовируст кој се користи во вакцината АстраЗенека може да го привлече тромбоцитниот фактор 4 што потоа предизвикува згрутчување на крвта, најчесто во мозокот и во црниот дроб, јавува Би-Би-Си. Дури 73 луѓе починале од компликации поврзани со вакцината од вкупните 50 милиони дози дадени во Велика Британија.

Научници од Кардиф во нивното најново истражување објавено во Science Advances сметаат дека кај ретките случаи кај кои дојде до згрутчување на крвта по примена вакцина на АстраЗенека, станува збор за верижна реакција која доведува до опасните згрутчувања.

Сеапак, портпаролката на АстраЗенека нагласи дека згрутчувањето е поверојатно поради инфекција со ковид-19 отколку поради вакцините и дека сè уште не е утврдено целосното објаснување зошто се појавуваат.

Еве како вакцината против корона вирусот, развиена од британско-шведскиот производител може да предизвика ретки згрутчување на крвта:

Вакцината е направена од генетскиот материјал на коронавирусот и е комбинирана со вирусот на настинка. Вакцината се инјектира во мускул, но понекогаш може да истече во крвотокот.

Може да го привлече тромбоцитниот фактор во крвотокот. Тоа е мал цитокин кој игра улога во заздравувањето на раните и воспалителните процеси.

Имунолошкиот систем во ретки случаи го заменува споменатиот тромбоцитен фактор со вирус, по што вклучува антитела за да го нападне.

Антителата и тромбоцитниот фактор 4 се акумулираат и стануваат предизвикувач за згрутчување на крвта.

Тромбозата најчесто настанува во мозокот и во црниот дроб

Авторите на студијата се надеваат дека нивните наоди може да се искористат за подобрување на вакцините базирани на аденовирус за да се намали ризикот од згрутчување на крвта.