Научниците пронашле изгубен континент кој се „подвлекол“ под Балканот
Објавено во: Свет 14 Септември, 2019
Угледниот магазин „Сајанс“ објави студија за континет настанат пред повеќе од 100 милиони години, кој се протегал на денешниот простор од Алпите па се до Иран.
Научниците тој изгубен контитнет го нарекле Голема Адрија (Greater Adria) бидејќи пред да потоне во тектонските поместувања, во најголем дел се наоѓал на просторот на денешна Јужна Европа. Поедноставно, изгубениот континент Велика Адрија или Велики Јадран се наоѓал длабоко под Балканот.
Како што тврдат експертите, Голема Адрија или Велика Адрија сеедно, се формирала скоро четврт милијарди години кога се одвоила од јужниот суперконтинент Гондована, кој тогаш на исто место ги држел денешна Африка, Јужна Америка, Антарктикот, Австралија, Индискиот потконтинент и Арапскиот полуостров.
Тој праисториски континет опфаќал подрачја на триесетина денешни земји, од Шпанија до Иран. Поголем дел бил под вода од која стрчеле огромни карпи односно острови.
Барем така тврди Доув ван Хинсберген, шеф на катедрата за палеогеографија и за глобална тектоника од Одделението за геологија на Универзитетот во Утрехт во Холандија.
-Медитеранскиот регион едноставно е геолошки неред. Се е искривено, искршено и расфрлано-рекол Хинсберген за магазинот.
Според неговото толкување, Велика Адрија, била дел од афричката тектонска плоча, за да пред стотина милиони години почне нејзиното „лизгање“ и подвлекување под евроазиската тектонска плоча, односно под денешна Јужна Европа.