Научниците во страв за ледот кој се топи: Ова дебело ќе го платиме!

Добивај вести на Viber

Пермафрост или постојано замрзнато тло во канадскиот дел на Арктикот почнал да се топи 70 години порано отколку што се прогнозирало.

Научниците од Универзитетот Алјаска Фербенкс се исплашени од тоа колку брзо низа невообичаени топли лета ги дестабилизирале горните делови на слоевите огромни ледени блокови кои биле замрзнати илјадници години. Сметаат дека тоа е знак дека глобалните климатски промени се одигруваат побрзо отколку што тоа климатолозите го предвиделе.

-Она што го видовме беше неверојатно. Тоа покажува дека климата сега е потопла отколку во било кој друг момент во последните 5000 или повеќе години-изјавил геофизичарот Владимир Романовски.

Научниците ги загрижува стабилноста на пермафростот бидејќи брзото топење би можело да ослободи огромни количини гасови кои дополнително ќе го забрзаат глобалното загревање.

Предупредуваат дека силниот пораст во глобалната температура би можел да ја загрози одржливоста на нашата цела индустриска цивилизација.

-Топењето на пермафростот е една од критичните точки на почетокот на климатската катастрофа и се случува пред наши очи-рекла Џенифер Морган, извршната директорка на организацијата Гринпис интернешенл.

-Ова прерано одмрзнување е јасен сигнал дека мораме да ги намалиме емисиите на гасови на стаклената градина и дека тоа треба да го направиме-веднаш-додала Морган.