НБРМ објави колкав е бруто надворешниот долг
Објавено во: Економија 30 Јуни, 2020
На крајот на првиот квартал од 2020 година бруто надворешниот долг со исклучен ефект од специфичните активности за управување со девизните резерви на централната банка, изнесува 8.127 милиони евра (74,3% од БДП) и забележа квартален пад од 64 милиони евра, објавија од Народна банка.
„Негативната нето меѓународна инвестициска позиција (МИП) изнесува 6.650 милиони евра, или 60,8% од проектираниот БДП за 2020 година. На квартална основа, негативната МИП бележи зголемување за 257 милиони евра коешто речиси во целост произлегува од зголемените обврски, а во помал обем и од намалувањето на средствата. Притоа и натаму, најголемиот дел од МИП, односно 86%, се нето-обврски врз основа на директни инвестиции, од кои 75% се врз основа на сопственички капитал“, стои во соопштението на НБРМ.
Бруто надворешните побарувања без ефектот од специфичните активности на централната банка изнесуваат 5.188 милиони евра (47,5% од БДП) и забележаа намалување од 195 милиони евра;