НЕ Е САМО ГРЕТА: Во Давос доаѓаат и други активисти тинејџери
Објавено во: Свет 19 Јануари, 2020
На светскиот економски форум Давос 2020 ќе присуствуваат тинејџери кои направиле промени.
Активистката Грета Тунберг е дел од младата генерација која се бори за промена на светот.
За прв пат досега, група на креатори на промени тинејџери ќе учествуваат во Давос.
Од борбата против насилството со оружје до климатските промени, нивниот глас мора да се слушне.
Од справувањето со климатската криза до борба против дискриминацијата, младите луѓе ширум светот ја земаат својата иднина во свои раце.
Иднината на планетата е нивна иднина, па затоа е поважно од кога и да било да им се даде платформа за да се слушнат нивните гласови.Меѓу учесниците ќе бидат и 15 годишната Аутумн Пелитиер, активистка од Канада, Ајака Мелитхава која има 17 години и доаѓа од Јужна Африка, 14 годишниот Круз Ердман од Нов Зеланд, Фион Фереира(18) од Ирска, Мелати Вијсен(19) од Бали, Мохамед Ал Јоунд од Сирија кој има 18 години, Наоми Вадлер(13) од Флорида, Наташа Мванса(18) од Замбија, и Салвадор Гомес Колон(17) од Порторико.
Светскиот економски форум, кој еднаш годишно се одржува во Давос, Швајцарија, почнува утре и ќе трае до 24 јануари.
Главни теми на овогодишниот собир се климатските промени и дејствување, а една од најважните сесии е „Спречување на климатската апокалипса”.
На состанокот ќе учествуваат некои од најголемите светски компании, а организаторите на Форумот од сите нив ќе побараат да се обврзат на постигнување на нето-нулта емисија на јаглерод до 2050 година или порано.
Од Македонија на форумот ќе присуствува министерот за надворешни работи, Никола Димитров.