Не го возел во Владата, туку со семејството за викенд: Џипот Волво не бил во анкетниот лист на Рашковски
Објавено во: Македонија 13 Април, 2021
На работа во Владата каде е секретар во кабинетот на премиерот не одел со џипот, но возилото стоело паркирано пред неговата зграда и го користел за возење со семејството за време на викенд. И не е тоа она што е проблемот. Нов џип Волво ХС 90 кој најверојатно го поседува тој, не бил запишан во анкетниот лист на Рашковски, објави вчера 360 степени.
Џипот инаку вредел околу 74 илјади евра.
„360 степени“ детално ја провери имотната состојба што Рашковски ја пријавил во Антикорупциската комисија. Од документите што ги обезбедивме преку барање за пристап до информации од јавен карактер, се гледа дека таму го нема џипот што го вози.
Но, има нешто друго – а тоа е очигледната љубов на Рашковски кон брендот „Волво“. Во анкетниот лист доставен во времето кога беше генерален секретар на Владата, Рашковски пријавил дека „Волво XC 90“ на име на сопругата. Но, тој бил од старата генерација на овој модел, произведен во 2005 година, а Рашковски пријавил дека го продале кон крајот на 2017 година, стои во текстот.