Не може на секој компјутер или лаптоп: Објавени деталите за тоа каков уред им треба на децата за онлајн наставата

Добивај вести на Viber

Реакции во јавноста предизвика мејл од Министерството за образование и наука кој наставниците ги испраќаат до родителите на учениците за тоа на какви уреди ќе можат да ја следат наставата. Во мејлот ги има минималните конфигурации на ИТ уредите со кои ќе учат децата. 

Платформата функционира на десктоп компјутер, лаптоп компјутер, таблет и мобилен смарт телефон. Предуслов за следење на наставата преку платформата е ИТ уредот да биде поврзан на Интернет. 

„Притоа, напоменуваме дека не сите наведени ИТ уреди обезбедуваат иста функционалност- десктоп и лаптоп компјутер овозможуваат користење на сите функционалности на Платформата, пред се поради големината и резолуцијата на екранот, глувчето и тастатурата. Таблет и мобилен телефон овозможуваат користење на сите функционалности, со следните ограничувања: намалена е прегледноста на сите елементи во Платформата поради големината на екранот и неможноста за користење на глувче и тастатура го отежнува пишувањето на подолг текст.  Доколку наставата на далечина се следи преку таблет или мобилен телефон, поради специфичноста на уредите, упатуваме сами да ги тестирате функционалностите на платформата (особено за следење на онлајн часовите во живо), стои во известувањето.

Платформата функционира директно во веб прелистувач (Chrome, Microsoft Edge, Safari), и не е потребно да се инсталира дополнителен софтвер. Десктоп/лаптоп компјутерот што ќе користи само веб прелистувач за пристап до платформата потребно е да има минимум 4GB меморија и двојадрен процесор. 

Пoтребно е да има апликацијата Microsoft Teams и минимум Windows 8.1 оперативен систем. 

Доколку имате намера да купувате нов десктоп или лаптоп компјутер, Министерството препорачува да е со следните перформанси.