Добивај вести на Viber
Како и што се очекуваше, стигнаа и првите негативни реакции за Парадата на гордоста, кој денеска се одржа во главниот град на државава, и измами стотици граѓани, и покрај топлото време, да им дадат поддршка на ЛГБТИ заедницата.
„ДАТУМ нема, ама ПЕ*ЕРИ куп“, напиша на својот фејсбук профил Љупчо Палевски Палчо, жесток критичар на сегашната владејачка гарнитура.
Актерот Сашо Тасевски, кој своевремено беше директор избран од оваа власт, исто така се произнесе на фејсбук за тоа што би направил меѓу другото, кога би имал партија да го поддржи за премиер.
Една од неговите точки, како што вели, е максимална заштита на моралните вредности и семејството и забрана за секаква пропаганда на сексуални настраности, особено со пари од странство.
„Ако некого го чеша газот, слободно нека се почеша. Ако сакаат двајца да си ги чешаат заеднички, по дома, може. Нека живеат заедно ама без посвојување деца. И ќе ги уживаат сите други права покрај чешањето“, напиша Сашо Тасевски.
А, тој наведе и други точки, меѓу кои и јавно палење на договорите со Грција и Бугарија со играње чочек и вртење прасиња на плоштад, низ општонародна веселба.
Како што веќе пишувавме, со присуство на стотици луѓе, музика која ечеше од подвижна бина, со знаменца и транспаренти, меѓу кои се виори и пораката „Доста е криење“, парадата се одржа денеска во главниот град на земјава.
Поддршка дадоа бројни јавни личности, меѓу кои и премиерот Зоран Заев и претседателот Стево Пендаровски.