07 Јуни, 2020
0.0389

Не се сите задоволни од субвенциите за носење странци

Објавено во: Економија 23 Април, 2019

Државна комисија за одлучување во управна постапка од сите засегнати спорови во секторот на економијата најмногу жалби добила од тур-операторите.во 2018, а на нејзина адреса пристигнале 86 жалби во врска со субвенциите кои ги доделува државата преку Агенцијата за туризам за организирано носење на странски посетители.

Не е прифатена ниту една, а дури 58 биле испратени на административно доуредување а 15 жалби биле одбиени против решенија донесени во прв степен во управна постапка. За седум години откако почна субвенционирањето на секторот приливот е зголемен за 65 проценти со најголем број на туристи од Турција, Србија, Бугарија, Грција и Холандија, но тур-операторите често се жалат дека 65 евра субвенција не може да биде исто за турист кој користи луксузен хотел и обично приватно сместување.

Љупчо Јаневски, директорот на Агенцијата за туризам, од претходно најави дека ќе има ревизија на начинот на субвенционирање.

- Лични мои предлози се измени во исплатата според категоризацијата на сместувањето, преку зголемување просечниот престој во земјата, зависно дали туристи се носат во или надвор од сезона, рече неодамна Јаневски.

Од работните односи, во комисијата најмногу се жалее полицајците со 233 жалби од вработени во Министерството за внатрешни работи со 34 предмети каде жалбата се уважува.

Комисијата примила и 173 жалби од вработени во јавни здравствени установи, 46 жалби против решенија на градоначалници, 41 жалба против решенија на министерот за труд и социјална политика и решенија на директори на јавни установи за социјална заштита, 22 жалби од затворска полиција.

Државната комисија во 2018 година, постапи по вкупно 784 предмети од областа на приватизација и експропријација и 451 уважени Постапено било по 148 предмети од областа на денационализацијата.

Пристигнати биле 1.017 жалби за правото на пензија, а постапено е по 750 предмети каде што доминираат оние за стекнување на инвалидска пензија, при што тука се одбиени 298 поплаки, а само 27 прифатени.

А.К.

Можеби ќе ве интересира

ОД КУМАНОВО ДО ГЕВГЕЛИЈА, ОД ДЕБАР ДО БЕРОВО: Ширум Македонија скокна бројот на невработени

ОД КУМАНОВО ДО ГЕВГЕЛИЈА, ОД ДЕБАР ДО БЕРОВО: Ширум Македонија скокна бројот на невработени

Загрозени 40.000 работни места во Македонија

Загрозени 40.000 работни места во Македонија

НАЈСЛАБ РАСТ ОД 2009: Aвстралија влезе во рецесија

НАЈСЛАБ РАСТ ОД 2009: Aвстралија влезе во рецесија

СТАТИСТИКА: Во Македонија невработеноста е 16.2 отсто

СТАТИСТИКА: Во Македонија невработеноста е 16.2 отсто

Kaко Меркел ќе ја спаси Германија од корона кризата?

Kaко Меркел ќе ја спаси Германија од корона кризата?

ПАНДЕМИЈАТА СИ ГО НАПРАВИ СВОЕТО: Затворени вратите за работа во Германија и Австрија

ПАНДЕМИЈАТА СИ ГО НАПРАВИ СВОЕТО: Затворени вратите за работа во Германија и Австрија

НИЗ СКОПСКИТЕ МАРКЕТИ СНЕМА ЛЕБ - сите пазарат за карантинскиот викенд

НИЗ СКОПСКИТЕ МАРКЕТИ СНЕМА ЛЕБ - сите пазарат за карантинскиот викенд

НАЈГОЛЕМ ПАД ПО 1999: Европјаните помалку трошеле во април

НАЈГОЛЕМ ПАД ПО 1999: Европјаните помалку трошеле во април

НИКОЈ НЕ Е ИМУН НА КРИЗАТА: 50.000 Хрвати останаа без работа

НИКОЈ НЕ Е ИМУН НА КРИЗАТА: 50.000 Хрвати останаа без работа