НЕБОЈША КАТИЌ: За време на пандемијата се случува невидена прераспределба на богатството - добиваат богатите
Објавено во: Балкан 18 Октомври, 2020
Економистот Небојша Катиќ смета дека за време на пандемијата на коронавирусот се случува „невидена“ глобална прераспределба на богатството во светот, чии најголеми жртви ќе бидат најсиромашното население во развиените земји, како и во сиромашните земји „кои сè уште не се свесни што им се подготвува“.
Зборувајќи за порталот на синдикатите „Независност“, Катиќ рече дека го задржува ставот од пред седум месеци, дека пандемијата е „дар од рајот за западните владејачки политички и економски структури“ и дека, како што одминувало времето, тој „се повеќе бил сигурен дека не греши“.
„Пред нас се случува невидена глобална прераспределба на богатството. Најголеми жртви ќе бидат најсиромашните слоеви на населението во развиените земји, како и сиромашните земји кои сè уште не се свесни што им се подготвува. Тие ќе мора дополнително да ги намалат веќе мизерните јавни трошоци и ќе продадат сè што им останува за да се ослободат од долгот. Ми се чини дека за тоа во Србија сè уште нема свест“, рече тој.
фото и извор: N1