НЕДОСТИГ НА ХРАНА, ПОСКАПУВАЊЕ, ПРОТЕСТИ: Најлошото сценарио на Брегзит без договор
Објавено во: Свет 12 Септември, 2019
Плановите на британската влада да излезат од ЕУ без договор може да предизвикаат големи пореметувања на преминот преку Ламанш, што би влијаело на снабдувањето со лекови и одредени видови свежа храна, се предупредува во документот на британската влада „Операција Јелоухамер“.
Се наведува и дека е можно протести и контрапротести да се одржуваат ширум Британија и дека би можеле да прераснат во нереди.
Документот „Операција Јелоухамер“ британската влада го подготвила уште на 2 август и ја прави основата на нејзиното планирање на Брегзит без договор, пренесе Ројтерс.
Документот кој предвидува што е тоа најлошо што може да се случи ако Британија ја напушти ЕУ на 31 октомври без договор, се смета дека подготвеноста на јавноста и економијата за таков исход веројатно е низок, делумно и поради постојаната политичка конфузија околу Брегзит.
Се наведува дека камиони би требало да чекаат до два и пол дена за да го преминат каналот, како и дека британските граѓани би биле изложени на зголемени имиграциски контроли на граничните премини на ЕУ.
-Ќе се намалат одредени видови понуда на свежа храна. Има ризик дека панично купување ќе го влоши или прекине снабдувањето со храна - стои во документот.
Министерот задолжен за координација кој го подготвува Брегзит без договор Мајк Гоув рекол дека тој документ е стар и дека не се одразува на моментното ниво на подготвеност.
Деталите на планот се објавени по барање на пратениците.