НЕЈЗИНИОТ ЦРТЕЖ СВЕДОЧИ ЗА ПРЕРАНО ЗГАСНАТИОТ ЖИВОТ: Приказната на младата мајка и нејзиното девојче, загинати во кобната несреќа на „Струма“
Објавено во: Македонија 28 Ноември, 2021
Три големи и неколку помали семејства ги загубија своите роднини во несреќата на автопатот Струма - татковци, мајки, браќа и сестри. Цели села во близина на главниот град Скопје се во жалост. Нивните приказни ги раскажуваат репортерите на Бугарската национална телевизија (БНТ).
„Господ да ти даде трпение“, велат Албанците кога некој ќе изгуби близок. Овие зборови изминативе денови најчесто се изговараат низ неколкуте скопски села.
Семејството Исени од село Студеничани жали по 38-годишната Фикрие Исени - наставничка во локалното училиште. Фикрие го загуби животот во автобусот на автопатот Струма. Загина заедно со ќерката Аниса. Семејството е во шок.
„Многу тешко. Тешко. Моите роднини се внатре. Не можеме да ги смириме. Што да правиме, изјавиле Фати Исени.
„Многу е тажно, многу е болно и за нас и за другите семејства, изјавил Озер Исени за БНТ.
Во прилогот, учителката на Аниса го покажува последниот цртеж на девојчето, нацртан во локалното училиште „Наим Фрашери“.
Семејството Исени остана и без Хамди Исени и неговата сопруга. Службеник во општината, за Хамди во селото се слушаат само убави зборови и светли спомени.
„Го познавав лично - многу добар човек. Човек кој работеше 20 години овде и во градот Скопје. Човек кој придонесе многу за нашето општество. - се сеќава Мујадин Абази, жител на Студеничани
Хамди Исени имаше речиси 60 години - пред пензија. Кога некој овде ќе заштеди пари, оди на пат. Во овој случај - три дена за 75 евра. Хамди и неговата сопруга заминуваат за Истанбул.
„Имаше семејство, имаше два сина. Колку што знам мислам дека се полнолетни. А во моментов се, колку што знам отишле таму во Софија да видат што се случува на местото на настанот. " - вели Мујадин Абази, жител на Студеничани
Фикрие, Аниса, Хамди и неговата сопруга се четворицата загинати од семејството Исени.