Неколку фактори ја вивнаа цената на нафтата до 113 долари за барел
Објавено во: Економија 23 Мај, 2022
Скокнаа цените на нафтата поради силната побарувачка за гориво во САД, оскудната понуда и слабеењето на доларот. Сега барел се продава за 113 долари.
Европската нафта од типот брент поскапе за 72 центи на 113,27 долари за барел во азиската трговија, а американската сурова нафта WTI порасна за 53 центи, или 0,48 отсто, на 110,81 долари за барел. Има голема побарувачка за гориво во САД во пресрет на главната сезона на патувања, која традиционално започнува на викендот на Денот на сеќавањето на крајот на мај и завршува на Денот на трудот во септември. Цените на нафтата пораснаа и минатата недела.