НЕМА ПРИМИРЈЕ ВО СИРИЈА: Ердоган се заканува
Објавено во: Свет 18 Октомври, 2019
Примирјето не се почитува во Сирија.
Борбите во североисточна Сирија продолжија и денеска.
Експлозии и истрели имало над градот Цејланпинар, еден ден по склучувањето на договорот меѓу САД и Турција за прекин на турската офанзива против курдските борци кои Турција ги смета за терористи.
Според договорот курдските борци треба да го напуштат делот на Сирија и да се повлечат од турската граница.
„Турција ќе ја продолжи офанзивата на североистокот од Сирија уште поинтензивно од порано доколку договорот со САД за петдневното примирје не биде во целост применет“, се заканува турскиот претседател, Реџеп Таип Ердоган.Додава дека за Турција не претставува проблем влегувањето на сириските сили со поддршка на Русија во подрачјата исчистени од курдските сили, наведувајќи дека Анкара нема намера да остане на подрачјето под нивна контрола на северот од Сирија.