НЕМА САПУН И ХАРТИЈА ВО ТОАЛЕТИТЕ НА СОБРАНИЕТО КАЈ ПРЕС ЦЕНТАРОТ - новинарите потсетуваат дека уште е време на пандемија
Објавено во: Македонија 24 Јануари, 2022
Новинарите кои што ја следат работата на законодавниот дом се жалат дека во тоалетите во Собранието каде што е прес центарот, нема сапун и тоалетна хартија. Велат дека ваквата состојба датира уште од минатата недела, кога во парламентот беше избрана новата Влада на државава.
Дел од новинарите апелираат до службите на Собранието да стават барем сапун во тоалетите, бидејќи миењето раце е една од клучните препораки во време на пандемија.
„Во тоалетите кај прес центарот нема сапун и хартија уште од неделата кога беше избрана новата Влада. Нека помине некој барем сапун са стави, да миеме раце, пандемија е уште“, им пишуваат новинарите на одговорните во законодавниот дом.