(НЕ)ОДГОВОРНА ПРВА ДАМА: Меланија Трамп фатена во плагијатски спор
Објавено во: Свет 08 Мај, 2018
Првата дама на САД, Меланија Трамп се соочува со напади за плагијат, откако започна нејзината нова онлајн кампања за безбедноста на децата.
Брошурата објавена од Меланија Трамп има впечатлива сличност со она што било објавено од администрацијата на поранешниот претседател Обама.
Текстот и графиката на книгата „Биди најдобар" се речиси идентични со оние од претходното издание.
Во 2016 година, г-ѓа Трамп беше обвинета за плагирање на делови од говорот на Мишел Обама во 2008 година.
По објавувањето на овие информации, вработен во администрацијата на Трамп, кој го напиша говорот на Меланија Трамп, призна дека понекогаш “позајмувал“ од говорите на г-ѓа Обама.
По сличностите со изданието на Обама, текстот беше ревидиран .
Почнувајќи од понеделникот, за иницијативата „Биди најдобар“, Меланија рече дека нејзината цел е да го промовира здравото живеење, да се поттикне позитивната употреба на социјалните медиуми и да се бори против злоупотребата на дрога.
„Како што сите знаеме, социјалните медиуми можат и позитивно и негативно да влијаат врз нашите деца, но премногу често се користат за негативни цели", рече таа.
Не треба да се заборави дека нејзиниот сопруг, Доналд Трамп користи твитер како моќна алатка за информации.
Тој, исто така, беше обвинет за исмејување на новинар со посебни потреби.