Непозната состојбата на Навални: На адвокатите не им било дозволено да го видат
Објавено во: Свет 18 Јануари, 2021
Адвокатите на рускиот опозициски лидер и блогер Алексеј Навални изјавија денес дека не им е дозволен пристап до клиентот откако тој беше приведен синоќа по слетувањето на аеродромот во Москва.
Неговата состојба во моментов е непозната, се додава во пораката на адвокатот.
Полицијата го приведе Навални на враќање од Берлин, откако тој пристигна во својата земја по лекувањето во Германија прв пат откако наводно беше отруен минатото лето
Тоа предизвика назадување на релација Русија - Запад. Навални ја обвини Русија за труење, но Кремљ категорично негираше вмешаност во овој чин.