НЕВРАБОТЕНОСТ И КРЕДИТИРАЊЕ: Најчести прашања од граѓаните во владиниот кол центар
Објавено во: Економија, Финансии 13 Април, 2020
1.579 граѓани се јавиле во
текот на изминатата недела во владиниот кол-центар на телефонскиот број 02/324-8040, а најчестите прашања се однесувале за
финансиска поддршка за компаниите, невработеност, кредитирање и дозволите за
движење во полициски час
Постои голем интерес за користење на владините економски
мерки кај компаниите и граѓаните, притоа, најчесто поставувани прашања (96%),
од вкупниот број прашања се следните:
-можноста за користење на финансиска поддршка за исплата на минимална плата за
работниците;
- можности за граѓаните во случај на невработеност и отпуштање од работа;
- кредитирањето преку Развојна банка на Република Северна Македонија;
- постапка за издавање дозволи за движење на вработени за време на полициски
час, стои во соопштението.
На прашањата кои пристигнуваат во контакт центарот, одговараат стручни лица, а
одговорите може да се добијат на македонски и на албански јазик. Кол центарот
работи од 8:00 до 17:00 часот од понеделник до петок, а во сабота од 9:00
до 14:00 часот.