Нухиу пред домашните и европските новинари вети поголема безбедност од МВР
Објавено во: Македонија 26 Април, 2017
Министерот за внатрешни работи д-р Агим Нухиу денес на средбата со македонски новинари од ЗНМ предводени од Насер Селмани, како и од претставници на Европската Федерација на новинари и Европскиот центар за слобода на печат и медиуми вети дека барањата за поголема безбедност на новинарите ќе бидат сфатени сериозно.
„На средбата со претставниците на Европската Федерација на новинари, Европскиот центар за слобода на печат и медиуми ветивме дека вратите на Министерството за внатрешни работи ќе бидат отворени за претставниците на медиумите кои се залагаат за објективно и професионално новинарство. Сугестиите за поголема безбедност на вработените во медиумите и почитувањето на професионалното новинарство секако дека ќе имаат влијание врз повторно разгледување на мерките и активностите на МВР за почитување на оваа демократска вредност“, истакна министерот Нухиу.