Добивај вести на Viber
Вицепремиерот за европски прашања, Никола Димитров, најави дека во наредните денови треба да пристигнат 120 милиони евра помош за Северна Македонија од ЕУ.
„Денес во Брисел, имав средба со Оливер Вархеји, еврокомесар за соседство и проширување, на која во посебен фокус беа следните чекори на европскиот пат на Северна Македонија, вклучувајќи го усвојувањето на Преговарачката рамка и одржувањето на првата меѓувладина конференција со ЕУ. Му се заблагодарив за вложените напори од страна на Европската комисија во светло на отпочнување на преговорите со Унијата, како и за економската помош што ја добиваме во контекст на сузбивање на последиците од пандемијата. Овие денови ќе пристигнат 40 милиони евра грант, а наскоро и дополнителни 80 милиони од макро финансискиот пакет“, пишува Димитров на Фејсбук.
Комесарот Вархеји информирал за напредокот во финализирањето на Економската програма за развој и инвестиции во земјите од регионот на Западен Балкан, што веќе за време на мандатот на оваа Комисија се очекува да испорача опипливи резултатати кои што ќе бидат во интерес на македонските граѓани и на целиот регион.