Николче Петкоски останува директор и претседател на УО на Еуростандард банка
Објавено во: Економија 20 Мај, 2019
Зоран Николовски, долгогодишен член на Управниот одбор на банката, поради приватни причини се повлекува од функцијата Член на Управниот одбор, информираат со соопштение од Еуростандард банка АД Скопје.
Својата експертиза Николовски ќе продолжи да ја споделува како советник на Управниот одбор на Еуростандард банка.
„По препорака на Надзорниот одбор на банката, за нов член на УО е предложен Горан Трајковски. Процедурата за именување на Трајковски како член на УО на Еуростандард банка е во тек. Николче Петкоски останува на функцијата Претседател на Управниот одбор на Еуростандард банка“, стои во соопштението.
Еуростандард банка продолжува да ја следи својата мисија за континуиран напредок и развој на своето работење во сите негови сегменти, почнувајќи од човечкиот капитал, технологијата, разновидноста на своите производи и услуги, секогаш имајќи ги во фокус своите клиенти, задоволување на нивните финансиски потреби и секако, нивната успешност, додаваат оттаму.