Добивај вести на Viber
Сашко Николов, поранешниот градоначалник на Општина Штип објасни како тој добивал дозвола од болницата за посета на првото родено бебе во годината, откако вчера актуелниот градоначалник Иван Јорданов вчера чекаше пред врата и не беше примен.
„Колку што ме држи меморијата, претходната година кога се роди првото бебе во Општина Штип , се јавивме кај менаџерскиот тим на КБ Штип и истите ни кажаа кога и во колку часот може да дојде делегација од општината. Сепак правила и дозвола за влез на одделенијата во КБ Штип, за лица кои не се вработени во истата(вклучувајќи и медицински персонал од други болници) ѓи издава само директорот или директорот по барање на соодветниот началник на одделение. Жално и страшно е да се излезе на прес и да се изјавува дека делегацијата од општината добиле дозвола за посета од медицинската сестра и родилката... И не треба егото да надвладее, туку требаше денеска да дојде општинската делегација и да ја посети родилката и нејзиното новородено. Политиката и личните суети треба да ги тргнеме настрана од овие убави моменти за сите. Градоначалникот, таткото на градот е прв и последен човек во градот кој МОРА да ги спроведува и почитува сите правила и протоколи и да биде пример за сите други. Или коментарите за барање грешки во работењето важеа само додека се дојде до градоначалничката фотелја“, пишува Николов на Фејсбук.
foto Facebook