Нина Ангеловска: Променети износите на наградите за скенирање на фискални сметки
Објавено во: Економија 01 Јули, 2020
Нинан Ангеловска, министерката за финансии, објави дека се зголемува бројот на награди од по 1.000 денари на дневна основа во периодот од јули до декември за сите оние кои скенираат фискални сметки.
Министерката најави дека се променети износи на награди за месечните и главното извлекување од проектот „Мој ДДВ“.
„Поголем број помали дневни награди - наместо 10 дневни награди по 1000 ден, 2000 ден. и 3000 ден. ќе се доделуваат x30 награди секој ден од по 1000 ден. Месечните извлекувања од август за секое коло ќе имаат промена - ќе се доделуваат x15 награди од по 20.000 ден. (наместо 100.000 ден.). Месечното извлекување за јули ќе се изврши согласно постојните правила! на 4 Јули ќе се одржи извлекувањето за 15 награди од по 100.000 денари во кое учествуваат сите скенирани фискални сметки во месеците април, мај и јуни. Главното извлекување 19 Дек. ќе се доделат 1.000.000 денари (наместо иницијално предвидените 3.000.000 ден.)“, објави Ангеловска на Фејсбук.
Со оваа измена ќе се доделат повеќе награди на повеќе граѓани кои скенираат сметки и учествуваат во борбата против сивата економија и воедно ќе се овозможи 9.7 милиони денари од наградниот фонд да бидат донирани кон солидарниот ковид фонд за социо-економски мерки за справување со кризата.