Нинџа делувал под кодно име „Самурај“
Објавено во: Македонија 06 Декември, 2018
Иако сите мислеле дека е неофицијално лице на Управата за безбедност и контраразузнавање, Александар Василевски бил ангажиран под кодно име „Самурај“ за да ги следи сите активности поврзани со неутрализирање на „бомбите“ на тогашната опозиција, беше кажано на денешното судско рочиште за настаните во Собранието од 27 април на кој сведочи и популарниот Нинџа.
Василевски потврди дека ова пфрирано име му го дал началникот на Петтата управа Горан Грујевски во 2015 година и имал задача да ги следи луѓето што ќе му ги посочел тој и лично требало нему да му реферерира. Поседувал легитимација од УБК, пиштол марка „магнум“ и радио станица на која можел да ја слуша целата комуникација на сите полицајци низ Македонија, вклучувајќи го и Скопје.
Бил тајно вработен во одделот за оперативна техника и прикриени операции односно во Петтата управа иако имал завршено само 4 степен средно образование. Ореостанатите во нивните сведочења тврдеа дека не биле свесни дека Нинџа е вработен во УБК, иако делувал како нивни човек.