Њујорк Тајмс: Северна Македонија една од ретките европски земји каде може да летуваат Американците
Објавено во: Економија 08 Јули, 2020
Њујорк Тајмс, најугледниот весник во Њујорк, во посебна статија што ја објави вчера ја издвојува Северна Македонија како една од осумте европски земји каде што се отворени границите за граѓаните на САД без задолжително тестирање и истите можат тука да летуваат од 1 јули.
Како што велат од Њујорк Тајмс, Македонија е една од дестинациите каде што Американците можат да ги потрошат своите пари како туристи, иако има неколку рестрикции. Се издвојува тоа дека е задолжително носењето на заштитни маски во затворени простории и дека во угостителските објекти не смее повече од двајца да седнат заедно на иста маса, освен доколку не се од исто семејство.
Останатите европски земји се Украина, Велика Британија, Србија, Хрватска, Косово, Турција и Албанија.
Во статијата под наслов „Јас сум граѓанин на САД. Каде можам да одам по светот?“ има и земји надвор од Европа кои се главно од Централна Америка и Карибите, како и некои агрикански како Танзанија и Малдивите.