22 Септември, 2020
0.0185

Нов меѓународен одбор за доверба на Универзитетот ФОН - придонес кон задржување на младите и одржување на квалитетот на високото образование -

Објавено во: Мои пари 24 Јануари, 2020

По повод прославата на Меѓународниот ден на образованието – 24 јануари, Титаниум Капитал заедно со Фондацијата Џон Брадемас и Универзитетот ФОН, ја има честа да го претстави новиот универзитетски Одбор за доверба, кој вклучува еминентни поединци од светот на науката и добитници на Нобеловата награда.

Новоизбраниот одбор брои вкупно 77 членови, меѓу кои: Поранешниот премиер на Италија и поранешен претседател на Европската Комисија, проф. д-р Романо Проди, проф. д-р Манмохан Сингх, поранешен премиер на Индија, проф. д-р Федерико Мајор Зарагоса, поранешен изврешен директор на УНЕСКО, проф. д-р Роберт Мундел, добитник на Нобеловата награда, проф. д-р Вернер Арбер, добитник на Нобелова награда за мир, проф. д-р Адолфо Перез Есквивел, добитник на Нобелова награда за мир, поранешен претседател на Коста Рика, Оскар Ариес, добитник на Нобелова награда за мир, Ригоберта Менчу, добитничка на Нобеловата награда за мир и почесен претседател на Џон Брадемас Фондацијата, проф. д-р Едвард Нел, д-р Хенри Абдо, извршен директор на Титаниум Капитал и претседател на Џон Брадемас Фондацијата, проф. д-р Карим Ерунаки, претседател на Џон Брадемас Фондацијата и почесен претседател на ФОН Универзитетот, проф. д-р Џорџ Метјуз, почесен претседател на Североисточниот универзитет, проф. д-р Чарлс Гудхарт, проф. д-р Вили Семлер, проф. д-р Најат Валауд-Белкасем, поранешна министерка за високо образование на Франција, д-р Јеро Балде, министер за високо образование на Гвинеја, Дон Винсенте дел Боске Гонзалез, легендарниот футбалски играч и тренер, Хозе Консарнау Гвардиола, амбасадор на Шпанија во Гвинеа и Сиера Леоне, проф. д-р Стефан Мони Моуанџо, проф. д-р Рејмонд Акики, проф. д-р Ганзафер Гур, итн.

Фокусот на Универзитетот е да го одржува и преиспитува квалитетот на високото образование, воспоставените академски вредности и да ја промовира извонредноста на научните истражувања.

ФОН верува дека присуството на етаблирани професори, добитници на Нобеловата награда, научници, поранешни лидери на земји, политичари и експерти претставува исклучителна придобивка, не само за академската заедница, преку отворените можности за размена на знаења и комуникација со врвни светски научни работници, туку и за иднината на Република Северна Македонија, особено заради одржливиот развој на земјата, образованието на млади и иновативни кадри со аналитички и критички дух, согласно потребите на новото време.

Во своето обраќање на отворањето на денешниот симпозиум, претседателот на Универзитетот ФОН, г-дин Сефер Цаноски, истакна дека ова е уште еден чекор за развивање и унапредување на универзитетот. Нашата цел е да ја поттикнеме студентска мобилност и инклузивност, како и да ги охрабриме и поддржиме студентите во натамошниот професионален развој.

На настанот, покрај присутните членови на одборот кои пристигнаа во нашата држава, свои обраќања и поддршка за целите на настанот имаа и Претседателот на Република Северна Македонија, Стево Пендаровски, и поранешниот претседател на Владата на Република Северна Македонија, Зоран Заев.

Во следните месеци, преостанатите членови на Одборот за доверба ќе организираат и поддржат серија академски настани во Република Северна Македонија. Едновремено, тоа ќе претставува зацврстување на востановената платформа за развој на науката во државата, како и вклучување на нашите домашни студенти во современите текови на продукција на знаење и научни иновации.

Универзитетот ФОН, силно мотивиран да создава највисоки образовни стандарди за своите студенти и за доброто на Северна Македонија, ќе продолжи да се движи и развива во чекор со времето, модерното високо образование, ширејќи ја нашата култура и вредности низ светот.

Нашата крајна цел е да ги задржиме младите во Северна Македонија и заедно со нив да создаваме иднина која ќе има глобален одек!

Можеби ќе ве интересира

Црвен Крст – Кисела Вода ја сними песната „Подавај рака“

Црвен Крст – Кисела Вода ја сними песната „Подавај рака“

Македонија ќе биде домаќин на Меѓународниот балкански вински натпревар

Македонија ќе биде домаќин на Меѓународниот балкански вински натпревар

Не пропуштајте: Утре е светската премиера на новата Opel Mokka

Не пропуштајте: Утре е светската премиера на новата Opel Mokka

Централната Управа на ПроКредит Банка сертифицирана со меѓународниот сертификат EDGE

Централната Управа на ПроКредит Банка сертифицирана со меѓународниот сертификат EDGE

Како стои Huawei во Европа

Како стои Huawei во Европа

Започнува продажбата на новиот HUAWEI WATCH FIT на македонскиот пазар

Започнува продажбата на новиот HUAWEI WATCH FIT на македонскиот пазар

Започнува кампањата Back to School

Започнува кампањата Back to School

ЌЕ СЕ ОДРЖИ „МАЛЕШЕВСКА КОРИЈА - СПОРТСКА АВАНТУРА

ЌЕ СЕ ОДРЖИ „МАЛЕШЕВСКА КОРИЈА - СПОРТСКА АВАНТУРА

Рудник САСА ги презема сите мерки за сигурност и заштита на животната средина

Рудник САСА ги презема сите мерки за сигурност и заштита на животната средина